‘చందమామ’ తాత ఇకలేరు

75
Chandamama Artist Shankar

చందమామ కథల పుస్తకం గురించి తెలియని వారంటూ ఉండరు. అందులో విక్రమార్కుడు బేతాళుడి చిత్రం గుర్తుందా.. అది నిద్రలోనూ గుర్తుకొచ్చేది. అంతటి అద్భుతమైన చిత్రాలను గీసిన శివశంకర్ తాతయ్య ఇకలేరు. 4 తరాలను బొమ్మలతో మురిపించిన ఆ తాతయ్య వృద్ధాప్యంతో చెన్నైలో మంగళవారం (సెప్టెంబర్ 29) తుది శ్వాస విడిచారు. ఆయన వయసు 97 ఏళ్లు. 93 ఏళ్ల వరకూ బొమ్మలు గీయడం ఆయనకే చెల్లింది.

Chandamama Artist Shankar

శంకర్ అసలు పేరు కరతొలువు చంద్రశేఖరన్ శివశంకరన్. 1924 జులై 19న తమిళనాడులోని ఈరోడ్‌లో ఆయన జన్మించారు. 1946 నుంచి చిత్రాలు వేయడం ప్రారంభించారు. తన చివరి శ్వాస వరకు బొమ్మలే జీవితంగా గడిపారు. చందమామ పత్రిక దేశంలోని అన్ని ప్రముఖ భారతీయ భాషల్లో వెలువడేది. తద్వారా ఆయన దేశ ప్రజలందరికీ పరిచయమ్యారు. చందమామ మూతబడ్డ తర్వాత రామకృష్ణ పత్రికకు చిత్రాలు వేశారు.

బేతాళకథల బొమ్మలతో పాటు చందమామ మ్యాగజీన్‌లో ఎన్నో చిత్రాలను గీశారు. మ్యాగజీన్ చిత్రకారుల బృందానికి నేతృత్వం వహించారు. వందలాది సీరియళ్లు, వేల కథలకు ఆయన బొమ్మలు రూపమిచ్చాయి. మనదేశ మూలాలతో ఆయన గీసే చిత్రాలు పిల్లలను, పెద్దలను ఎంతగానో ఆకట్టుకున్నాయి.

Chandamama Artist Shankar

చిన్నప్పటి నుంచే చిత్రాలపై మక్కువ ఉన్న ఆయన 1941లో మద్రాస్ గవర్నమెంట్ ఫైనార్ట్స్ కాలేజీలో చేరి శిక్షణ పొందారు. నాగిరెడ్డి, చక్రపాణి ప్రారంభించిన చందమామ ఆయన కెరీర్‌కు బాటలు వేసింది. అనతి కాలంలోనే తెలుగు ఫ్యాంటసీ పాత్రల చిత్రకారులుగా ఆయన గుర్తింపు పొందారు.

Chandamama Artist Shankar

చందమామ బాలల మాసపత్రికలో కథలు ఎంత బాగుండేవో, బొమ్మలు కూడా అంతే బాగుండేవి. ఆ బొమ్మలను చూసే కథల్లోకి వెళ్లే వాళ్లంటే అతిశయోక్తి కాదు. అలాంటి చూడచక్కని బొమ్మలు వేసింది చిత్రకారుడు శంకరే. చందమామ కోసం ఆయన 700లకు పైగా బేతాళకథలకు ఆయన చిత్రాలు గీశారు.

Chandamama Artist Shankarచందమామ కథల పుస్తకంలో వచ్చిన రామాయణం, మహాభారతం సీరియల్స్‌కు కూడా శంకరన్ బొమ్మలు గీశారు. పలు పౌరాణికి పాత్రలకు రూపం కల్పించారు. రాజకుమార్తెల చిత్రాలను ఎంతో సౌందర్యంగా తీర్చిదిద్దేవారు. ఇక కథల్లో భాగంగా వచ్చే దెయ్యాలు, రాక్షస పాత్రలకు ఆయన వేసిన చిత్రాలు వాటిని మరో స్థాయికి తీసుకెళ్లేవి.

Chandamama Artist Shankar